(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 215

॥ శ్రీః ॥
1.215. అధ్యాయః 215
Mahabharata - Adi Parva - Chapter Topics
యుధిష్ఠిరాదీనాం క్రమేణ ద్రౌపద్యాః పాణిగ్రహణం॥ 1 ॥
Mahabharata - Adi Parva - Chapter Text

ద్రుపద ఉవాచ। 1-215-0x(1202)(9396)
అశ్రుత్వైవం వచనం తే మహర్షే
మయా పూర్వం యతితం సంవిధాతుం।
న వై శక్యం విహితస్యాపయానం
తదేవేదముపపన్నం విధానం॥ 1-215-1(9397)
దిష్టస్య గ్రంథిరనివర్తనీయః
స్వకర్మణా విహితం తేన కించిత్।
కృతం నిమిత్తమిహ నైకహేతో-
స్తదేవేదముపన్నం విధానం॥ 1-215-2(9398)
యథైవ కృష్ణోక్తవతీ పురస్తా-
న్నైకాన్పతీన్మే భగవాందదాతు।
స చాప్యేవం వరమిత్యబ్రవీత్తాం
దేవో హి వేత్తా పరమం యదత్ర॥ 1-215-3(9399)
యది చైవం విహితః శంకరేణ
ధర్మోఽధర్మో వా నాత్ర మమాపరాధః।
గృహ్ణంత్విమే విధితత్పాణిమస్యా
యథోపజోషం విహితైషాం హి కృష్ణా॥ 1-215-4(9400)
వ్యాస ఉవాచ। 1-215-5x(1203)
నాయం విధిర్మానుషాణాం వివాహే
దేవా హ్యేతే ద్రౌపదీ చాపి లక్ష్మీః।
ప్రాక్కర్మణః సుకృతాత్పాండవానాం
పంచానాం భార్యా దేవదేవప్రసాదాత్॥ 1-215-5(9401)
తేషామేవాయం విహితః స్యాద్వివాహో
యథా హ్యేష ద్రౌపదీపాండవానాం।
అన్యేషాం నృణాం యోషితాం చ
న ధర్మః స్యాన్మానవోక్తో నరేంద్ర॥ 1-215-6(9402)
వైశంపాయన ఉవాచ। 1-215-7x(1204)
తత ఆజగ్మతుస్తత్ర తౌ వ్యాసద్రుపదావుభౌ।
కుంతీ సపుత్రా యత్రాస్తే ధృష్టద్యుంనశ్చ పార్షతః।
తతో ద్వైపాయనః కృష్ణో యుధిష్ఠిరమథాగమత్॥' 1-215-7(9403)
తతోఽబ్రవీద్భగవాంధర్మరాజ-
మద్యైవ పుణ్యేఽహని పాండవేయ।
పుణ్యే పుష్యే యోగముపైతి చంద్రమాః
పాణిం కృష్ణాయాస్త్వం గృహాణాద్య పూర్వం॥ 1-215-8(9404)
`ఏవముక్త్వా ధర్మరాజం భీమాదీనప్యభాషత॥ 1-215-9(9405)
క్రమేణ పురుషవ్యాఘ్రాః పాణిం గృహ్ణంతు పాణిభిః।
ఏవమేవ మయా సర్వం దృష్టమేతత్పురాఽనఘాః॥ 1-215-10(9406)
వైశంపాయన ఉవాచ। 1-215-11x(1205)
తతో రాజా యజ్ఞసేనః సపుత్రో
జన్యార్థణుక్తం బహు తత్తదగ్ర్యం।
`సమర్థయామాస మహానుభావో
హృష్టః సపుత్రః సహబంధువర్గః।'
సమానయామాస సుతాం చ కృష్ణా-
మాప్లావ్య రత్నైర్బహుభిర్విభూష్య॥ 1-215-11(9407)
తతస్తు సర్వే సుహృదో నృపస్య
సమాజగ్ముః సహితా మంత్రిణశ్చ।
ద్రష్టుం వివాహం పరమప్రతీతా
ద్విజాశ్చ పౌరాశ్చ యథాప్రధానాః॥ 1-215-12(9408)
తతోఽస్య వేశ్మాగ్ర్యజనోపశోభితం
విస్తీర్ణపద్మోత్పలభూషితాజిరం।
బలౌఘరత్నౌఘవిచిత్రమాబభౌ
నభో యథా నిర్మలతారకాన్వితం॥ 1-215-13(9409)
తతస్తు తే కౌరవరాజపుత్రా
విభూషితాః కుండలినో యువానః।
మహార్హవస్త్రాంబరచందనోక్షితాః
కృతాభిషేకాః కృతమంగలక్రియాః॥ 1-215-14(9410)
పురోహితేనాగ్నిసమానవర్చసా
సహైవ ధౌంయేన యతావిధి ప్రభో।
క్రమేణ సర్వే వివిశుస్తతః సదో
మహర్షభా గోష్ఠమివాభినందినః॥ 1-215-15(9411)
తతః సమాధాయ స వేదపరాగో
జుహావ మంత్రైర్జ్వలితం హుతాశనం।
యుధిష్ఠిరం చాప్యుపనీయ మంత్రవి-
న్నియోజయామాస సహైవ కృష్ణయా॥ 1-215-16(9412)
ప్రదక్షిణం తౌ ప్రగృహీతపాణీ
సమానయామాస స వేదపరాగః।
`విప్రాంశ్చ సంతర్ప్య యుధిష్ఠిరో ధనై-
ర్గోభిశ్చ రత్నైర్వివిధైశ్చ పూర్వం॥ 1-215-17(9413)
తదా స రాజా ద్రుపదస్య పుత్రికా-
పాణిం ప్రజగ్రాహ హుతాశనాగ్రతః।
ధౌంయేన మంత్రైర్విధివద్భుతేఽగ్నౌ
సహాగ్నికల్పైర్ఋషిభిః సమేత్య॥ 1-215-18(9414)
తతోఽంతరిక్షాత్కుసుమాని పేతు-
ర్వవౌ చ వాయుః సుమనోజ్ఞగంధః।
తతోఽభ్యనుజ్ఞాప్య సమాజశోభితం
యుధిష్ఠిరం రాజపురోహితస్తదా॥ 1-215-19(9415)
విప్రాంశ్చ సర్వాన్సుహృదశ్చ రాజ్ఞః
సమేత్య రాజానమదీనసత్వం।
జగాద భూయోఽపి మహానుభావో
వచోఽర్థయుక్తం మనుజేశ్వరం తం॥ 1-215-20(9416)
గృహ్ణంత్వథాన్యే నరదేవకన్యా-
పాణిం యథావన్నరదేవపుత్రాః।
తమభ్యనందద్ద్రుపదస్తథా ద్విజం
తథా కురుష్వేతి తమాదిదేశ॥ 1-215-21(9417)
పురోహితస్యానుమతేన రాజ్ఞ-
స్తే రాజపుత్రా ముదితా బభూవుః।
క్రమేణ చాన్యే చ నరాధిపాత్మజా
వరస్త్రియాస్తే జగృహుః కరం తదా॥' 1-215-22(9418)
అహన్యహన్యుత్తమరూపధారిణో
మహారథాః కౌరవవంశవర్ధనాః॥ 1-215-23(9419)
ఇదం చ తత్రాద్భుతరూపముత్తమం
జగాద దేవర్షిరతీతమానుషం।
మహానుభావా కిల సా సుమధ్యమా
బభూవ కన్యైవ గతే గతేఽహని॥ 1-215-24(9420)
`పతిశ్వశురతా జ్యేష్ఠే పతిదేవరతాఽనుజే।
మధ్యమేషు చ పాంచాల్యాస్త్రితయం త్రితయం త్రిషు॥' 1-215-25(9421)
కృతే వివాహే ద్రుపదో ధనం దదౌ
మహారథేభ్యో బహురూపముత్తమం।
శతం రథానాం వరహేమమాలినాం
చతుర్యుజాం హేమఖలీనమాలినాం॥ 1-215-26(9422)
శతం గజానామపి పద్మినాం తథా
శతం గిరిణామివ హేమశృంగిణాం।
తథైవ దాసీశతమగ్ర్యయౌవనం
మహార్హవేషాభరణాంబరస్రజం॥ 1-215-27(9423)
పృథక్పృథగ్దివ్యదృశాం పునర్దదౌ
తదా ధనం సౌమకిరగ్నిసాక్షికం।
తథైవ వస్త్రాణి విభూషణాని
ప్రభావయుక్తాని మహానుభావః॥ 1-215-28(9424)
కృతే వివాహే చ తతస్తు పాండవాః
ప్రభూతరత్నాముపలభ్య తాం శ్రియం।
విజహ్రురింద్రప్రతిమా మహాబలాః
పురే తు పాంచాలనృపస్య తస్య హ॥ ॥ 1-215-29(9425)

ఇతి శ్రీమన్మహాభారతే ఆదిపర్వణి వైవాహికపర్వణి పంచదశాధికద్విశతతమోఽధ్యాయః॥ 215 ॥

Mahabharata - Adi Parva - Chapter Footnotes
1-215-26 చతుర్యుజామశ్వచతుష్టయయుజాం॥ పంచదశాధికద్విశతతమోఽధ్యాయః॥ 215 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.